Сумын ИТХ, ГХУСАЗЗ-өөс жил бүр уламжлал болгон зохион байгуулагддаг сумын аварга шалгаруулах “Шилжин явах цомын төлөө” гар бөмбөгийн тэмцээн энэ сарын 18-ны өдөр амжилттай болж өндөрлөлөө. Тэмцээнийг аймгийн ИТХ-ын төлөөлөгч С.Сүхбаатар өөрийн санаачлагаар 2 дахь жилдээ ивээн тэтгэн явуулж байна. Тэмцээнд баг, байгууллага, хорооллын эрэгтэй 7, эмэгтэй 9, нийт 16 баг оролцсон. Эрэгтэй баг тамирчдаас тэргүүн байрыг Ц.Баянбэрх ахлагчтай Баянгол багийн баг, 2-р байрыг Х.Төмөрбаатар ахлагчтай Шанд хорооллын баг, 3-р байрыг Тайванбаатар ахлагчтай Ургац хорооллын баг эзэлсэн бол эмэгтэй баг тамирчдаас Тэргүүн байрыг Б.Гэрэлцэцэг ахлагчтай Шанд хорооллын баг, 2-р байрыг Л.Ууганчимэг ахлагчтай бүрэн дунд сургуулийн баг, 3-р байрыг Б.Одончимэг ахлагчтай Хүүхдийн цэцэрлэгийн баг тамирчид эзэллээ. Энэ удаагийн тэмцээний шилдэг эрэгтэй тоглогчоор Ц.Баянбэрх, шилдэг эмэгтэй тоглогчоор Г.Номин нар шалгарсан байна.