Аймгийн засаг дарга С.Гансэлэм, ЗДТГ-ын дарга Ч.Бат-Эрдэнэ нар сумын мал аж ахуйн өвөлжилтийн нөхцөл байдалтай ирж танилцлаа. Өвөлжилт хүндрэлтэй нөхцөл байдал үүсээд байгаа Шарга сумд аймгийн нөөцөөс 540 боодол өвс гаргаж малчдад тараалаа. Шарга сум зундаа газрын гарц тааруу байсан учраас өвөлжилт хүндэрч өнөөгийн байдлаар бүх багийн нутгаар цасан бүрхүүл тогтсон цасны зузаан уулархаг нутгаараа 10-15см цастай , хүйтний эрч өдөртөө 30-35 градус шөнөдөө 35-45 градусын хүйтэнтэй байгаа нь бүх багт мал сүргийн өвөлжилтийн байдал хүндрээд байна. Шарга сумд одоогийн байдлаар 1500 орчим  тоо толгой мал хорогдсон дүн мэдээтэй байна. Хөдөө багийн зарим малчидтай холбоо барьж чадахгүй байгаа нь малын хорогдлын мэдээ нарийн гарахад бэрхшээлтэй байгаа.

           Энэ сарын 10-14-ний өдрүүдэд Алтай, Бугат, Төгрөг сумд өвөлжиж байгаа малчдаа эргэлээ. Сумын Засаг даргын захирамжаар батлагдсан ажлын хэсэг 2 чиглэлд гарч  малчиддаа хүрч, өвөлжилтийн нөхцөл байдалтай танилцаж, ард иргэдийнхээ санал хүсэлтийг сонсох, тэдэнд хүн, мал эмнэлгийн үйлчилгээг үзүүлэх, хүндэрч байгаа асуудлыг шуурхай шийдвэрлэхээр ажиллаж байна.

Сумын удирдлагаас төрийн албан хаагчид малчдад туслах аяныг өрнүүлж төсөвт байгууллагуудыг багуудтай хамтын холбоо тогтоож ажиллахаар шийдвэрлэлээ.

• Хамтын хүч багийн малчдад -ИТХ, ЗДТГ-ын ажилтнууд
• Сондуулт багийн малчдад-ЭМТ-ийн ажилтнууд
• Улаантуг багийн малчдад-Цэцэрлэг, Соёлын төвийн ажилтнууд
• Баянгол багийн малчдад-Сургуулийн ажилтнууд хандив цуглуулж туслахаар хөдөлгөөн өрнүүлж байна.

 

Мэдээ оруулсан: 2018-01-29 11:24:21