Рашаант булаг

Шарга сумын төвөөс урагш 2 км газарт орших жижигхэн толгойн ёроолд оргилон байдаг булгийг нутгийнхан Рашаант гэж  нэрлэдэг. Энэ булаг өвөлд хөлддөггүй бүлээн,зунд шүд хага ташим маш хүйтэн байдаг. Нутгийн хүмүүс “Таван цул”-ын рашаан хэмээн хэрэглэсээр иржээ. Энэ булгийн  жараахайг (нутгийнхан шаймай гэж нэрлэдэг )рашаантай нь залгивал ходоодонд, мөн шарласан хүнд сайн гэж үздэг байна.  Архи уугаад халамцсан буюу согтуу хүн энэ рашаанаас хоёр гурван аяга уухад архи нь дорхноо гарч эв эрүүл болдог гэнэ.