Сумын төсөвт байгууллага, төсөл сангийн 2016 оны жилийн санхүүгийн тайланд төрийн аудитын байгууллага хуулийн хугацаанд аудит хийж баталгаажуулан дараах дүгнэлтийг өгсөн байна. 

Засаг даргын тамгын газар – Зөрчилгүй - Итгэл үзүүлсэн

12 жилийн сургууль – Сөрөг дүгнэлт

Хүүхдийн цэцэрлэг – Зөрчилгүй-Итгэл үзүүлсэн

Эрүүл мэндийн төв – Зөрчилгүй

ИТХ, Соёлын төв зэрэг байгууллагуудын санхүүгийн тайланд  түүврийн аргаар аудит хийсэн зөрчил илрээгүй байна.  

Сум хөгжүүлэх сан – Хязгаарлалттай 

Сумын төсвийн ерөнхийлөн захирагчийн санхүүгийн нэгтгэсэн тайлан – Зөрчилгүй 

Төрийн аудитын байгууллагын дүгнэлтээр дээрх орон нутгийн төсөвт байгууллагууд болон тусгай зориулалтын шилжүүлгийн байгууллагуудын тайлангуудаас 12 жилийн сургууль өмнөх аудитаар өгөгдсөн үүрэг даалгаврын хэрэгжилтийг хангаагүй шалтгаанаар “Сөрөг” дүгнэлт, ЗДТГ, Хүүхдийн цэцэрлэг 2013-2015 оны санхүүгийн тайлангийн аудитаар “Зөрчилгүй” санал дүгнэлт авсан, өмнөх аудитаар өгсөн зөвлөмж, акт, албан шаардлагыг тогтоосон хугацаанд хэрэгжүүлсэн, тайлант хугацаанд бүтэц зохион байгуулалтын өөрчлөлт ороогүй, байгууллагын гүйцэтгэх удирдлага болон ерөнхий нягтлан бодогч тогтвор суурьшилтай ажилласан, нягтлан бодох бүртгэлийн хөтлөлт, дотоод аудит сайн зэргийг үндэслэн 2016 оны санхүүгийн тайланд итгэл үзүүлж “Зєрчилгїй” санал дүгнэлтийг тус тус  авлаа. 

Сумын ТЕЗ-ийн санхүүгийн нэгтгэсэн тайланд "Зөрчилгүй" санал дүгнэлт авч баталгаажуулсан тайланг Сангийн яамны цахим тайлангийн системд шивж оруулан, аймгийн СТСХэлтэст нэгтгүүлэх ажлыг санхүүгийн алба хуулийн хугацаанд нь амжилттай хийж дуусгалаа.