Сумын ИТХ-ын Тэргүүлэгчдийн 2017.03.30-ны өдрийн 10 дугаар тогтоолоор 2017 оныг Иргэдийн оролцоог дэмжих жил болгон зарласан. Энэ уриан дор албан байгууллага, баг бүр иргэд олон нийтийн хэрэгцээ шаардлагад нийцсэн 1-ээс доошгүй бодит ажлыг иргэдийн оролцоотой зохион байгуулахаар болсон.

Энэ ажлын нээлтийг бүтээлч ажлаар эхлүүлж 2017 оны 04 сарын 06, 07-ны өдрүүдэд Баянгол багаас сонгогдсон ИТХ-ын Төлөөлөгчид, байгаль орчны байцаагч, байгаль хамгаалагч нартай хамтран  Урд голын тариалангийн талбайд суваг шуудуу сэргээж мод услах ажлыг хийлээ. Уг арга хэмжээнд төрийн албан хаагчид, Баян гол багаас сонгогдсон ИТХ-н зургаан төлөөлөгч  оролцлоо. 

                      

Хөдөлмөрийн баатар Лодойхүүгийн үүсгэн байгуулсан 60 жил хоршооны модны усалгааны суваг шуудууг сэргээх 20 орчим жил услагдаагүй моднуудыг усжуулах  ажлыг хийсэн.

Мэдээ оруулсан: 2017-04-26 11:59:51