ЭМНДЕГ-ын даргын 2017 оны А/35 тоот тушаалаар баталсан журмын дагуу нийгмийн даатгалын сангаас тэтгэвэр авч буй иргэд 2017 оны 03 сараас эхлэн 3 хүртэлх сарын тэтгэврийнхээ 50 хувьтай тэнцэх хэмжээний мөнгийг жилд нэг удаа, хүүгүйгээр урьдчилан авах боломжтой боллоо. Тэтгэврээ урьдчилан авах хүсэлтэй тэтгэвэр авагч нь дараах шаардлагыг хангасан байна. Үүнд:
1. Тэтгэвэр урьдчилан авах хүсэлтээ өөрийн биеэр гаргана.
2. Тэтгэвэр барьцаалсан зээлгүй байна.
3. Тахир дутуугийн болон тэжээгчээ алдсаны тэтгэвэр авагчид нь хөдөлмөрийн чадвар алдсан хугацаа, хуулиар тогтоосон насанд хүртэлх хугацаагаар хязгаарлагдана.
Дээрх шаардлагыг хангасан тэтгэвэр авагчид аймгийн ЭМНДХ-ийн тасгийн даргын зөвшөөрлөөр сумын нийгмийн даатгалын байцаагч олгох хуудас бичиж олгоно.