Сумын ИТХ-ын Тэргүүлэгчдийн 2016 оны 12 сарын 01-ний өдрийн 24 дүгээр тогтоолоор сум багийн Засаг даргаар ахлуулсан мал тооллогын комиссыг байгуулан ажиллаж байна. Мал, тэжээвэр амьтад, хашаа, худгийн 2016 оны жилийн эцсийн тооллого уламжлал ёсоор 12 сарын 07-14-ний өдрүүдэд зохион байгуулагдана. Мал тооллогын ажлаас зайлсхийсэн, эсхүл тооллогод хүндэтгэн үзэх шалтгаангүйгээр оролцоогүй, түүнчлэн мал, тэжээвэр амьтдыг тооллогоос нуун дарагдуулсан бол хуулийн дагуу хариуцлага хүлээлгэнэ. Иймд баг сумын нутаг дэвсгэрт ялангуяа бод малыг газар дээр нь тооллогод хамруулж биечлэн үзэж тоолох учраас малчин та өөрийн мал сүргээ гэрийн ойролцоо байлгаж тооллогодоо бүрэн хамруулаарай. Мал тооллогын мэдээллийн чанар хамрагдалт зэрэгт тавих хяналтыг нэмэгдүүлж аймгийн тооллогын комиссоос сумдад хяналтын тооллогыг зохион байгуулахаар төлөвлөсөн байна. Мал тооллогын урьдчилсан дүнг 2016 оны 12 сарын 22-ний өдөр сум багийн дүнгээр нэгтгэн гаргах тул дээрх хугацаанаас өмнө шивэлтийн ажлыг дуусгаж, нэгдсэн дүнг өгөхөд анхаарал тавьж ажиллана уу?