“Шарга сумын Хүүхдийн цэцэрлэг” Манай цэцэрлэг 1959 онд анх байгуулагдсан 50 гаруй жилийн түүхтэй. Анх сумынхаа мал аж ахуйн машинист станцыг түшиглэн 3 ажилчин 25 хүүхэдтэйгээр одоогийн сумын зочид буудалд үйл ажиллагаагаа эхэлж байсан бөгөөд анхны эрхлэгчээр Төрбат ажиллаж байжээ. 1965 оноос 2 айлын орон сууцны барилгад шилжин орж үйл ажиллагааны цар хүрээ өргөжин 1966 онд анхны мэргэжлийн багш Н.Гачил эрхлэгч багшаар ажиллаж сургалт хүмүүжлийн ажил бүтэн жилээр явагдаж эхлэв. 1976 оноос 2 бүлэг 8 ажилчинтай, 1988 оноос 3 бүлэг 12 ажилчинтай үйл ажиллагаан нь жилээс жилд өргөжин тэлж байсан байна. 1991 оны дунд үеэс улс орон даяар зах зээлийн нийгэмд шилжин тарж бутарч төсөвт байгууллагууд татан буугдаж, орон тооны томхотгол хийгдэн ажилгүйдэл бий болж , шилжилт хөдөлгөөн ихсэж сумын хүн ам цөөрч төрөлт багассанаас цэцэрлэг ажилчдаа цомхотгож 1 бүлэг 3 ажилчинтай ажиллаж эрхлэгчээр Б.Санчирмаа, багшаар Э.Дашмаа, тогоочоор Г.Оюун нар ажиллаж байв. . 1995 оноос сургуулийн харьяанд 1 жил ажиллаж байгаад 1996 оноос дахин бие даасан төсөв төлөвлөгөөтэй ажиллаж байна. 2000 оноос 2 бүлэг, 6 ажилчинтай үйл ажиллагаа тогтмолжин ажиллаж эхэлсэн. Үйл ажиллагаа өргөжих тусам байрны хүрэлцээ, багтаамжны асуудал нэн тэргүүнд тавигдаж, удаа дараагийн хүсэлт шаардлагын улмаас УБ хотын нутгийн зөвлөл, УИХ-ын гишүүн асан Т.Очирхүү, МУИС-ын багш С.Даваа, В.Алзахгүй, сумын Засаг дарга асан Г.Гүнжидмаа нарын хүчин зүтгэлээр 2005 онд 98.8 сая төгрөгийн өртөгтэйгээр Английн “Хүүхдийг ивээх сан”, орон нутгийн төсөв хөрөнгөөр 50 хүүхдийн цэцэрлэгийг “Бөртэ-Трейд” ХХК засварын ажлыг хийж ашиглалтанд оруулсан. Одоогоор 12 ажилтантай, үндсэн сургалтаар 70, хувилбарт сургалтаар 50 хүүхэд суралцаж байгаа ба тойргийн нийт хүүхдийн 88%-д сургуулийн өмнөх боловсрол олгож байна. “Бидний амжилт” Ажлаараа аймаг сумд байнга амжилттай үнэлэгддэг Ажлаараа аймаг, сумд байнга амжилттай үнэлэгддэг аймгийн тэргүүний цэцэрлэгүүдийн нэг юм. Эцэг эхийн дунд санал асуулга байнга явуулж, санал дүгнэлтийг ажилдаа тусган ажилладаг ба эцэг эх, ард иргэд цэцэрлэгийн бүхий л үйл ажиллагааг байнга дэмжин тусладаг. Тус цэцэрлэгийн үйл ажиллагаа нь жилээс жилд ахин дэвшиж, аймаг сумын тэргүүний хамт олноор удаа дараа шалгаран ажиллаж ирсэн. Тухайлбал: 2001, 2002, 2003, 2005, 2007, 2008 онуудад сумын тэргүүний хамт олон. 2003, 2007 онуудад аймаг сумдын цэцэрлэгүүдээс 2-р байрт шалгарч байжээ. 2000 онд баруун бүсийн сумдын өвөлжөөлөлтийн бэлтгэл хангах, үзүүлэх сургуулилт сайн бэлтгэснийг үнэлж аймгийн засаг дарга асан Жанчивдорж Нарны цахилгаан үүсгүүрээр шагнасан. 2004 онд Зуны сургалт сайн зохион байгуулсаныг үнэлж УИХ-ын гишүүн асан Т.Очирхүү 5 ханатай иж бүрэн гэрээр шагнаж байсан байна. Мөн УИХ-ын гишүүн Ж.Энхбаяр 2008 онд тус цэцэрлэгийн үйл ажиллагаатай танилцаж “Алтайн-Эрин” сангаас 1 сая төгрөгийн тоглоом наадгайгаар хангаж, ирээдүйн хүүхэд багачуудын төлөө буянтай үйл хийсэнд ажилчид, эцэг эхчүүд баярлаж талархаж байна. Эцэг эхчүүд, хүүхдүүдийн дунд олон төрлийн уралдаан тэмцээн, байгууллага сурталчилах ажил тогтмол зохион байгуулдаг. Тухайлбал: “Би чадна”, “Аав ээж би”, “Бяцхан буухиачид”, “Цэвэрч хүүхэд”, “Багштайгаа хамт”, “Эмч зөвлөж байна”, “Аавуудын цаг”, “Аав бид хоёр”, “Ээж бид хоёр”, “Уран ээж”, “Миний найзууд” гэх мэт. Хувилбарт сургалтын танхим, хүүхдийн чийрэгжүүлэлтийн танхим, ажилчдын амралтын өрөөг иж бүрэн тохижуулсан ба орон нутгийн хөгжлийн сангаас хүүхдийн тоглоомын талбайг 17.9 сая төгрөгөөр шинэчлэн засварлах ажлыг “Баян бүрд” нөхөрлөл хийж гүйцэтгэлээ. Ажилчид мод, цэцэг тарих хөдөлгөөн өрнүүлж орчны өнгө үзэмжийг сайжруулсан байна. Мөн ашиглалтгүй байсан том заалыг 2009 онд хүүхдийн урлаг спортын танхим болгохоор Тогтвортой амжиргаа-2 төслөөр 4 сая төгрөгийн засвар хийж бага насны хүүхдийн бие бялдар, урлаг соёлын ажлыг чанартай зохион байгуулах нөхцөл боломжоор бүрэн хангагдаад байна. 2008 оноос СӨБ-ын бие даасан хуультай болж, төрөөс хүүхдийн хоолны мөнгийг бүрэн санхүүжүүлж эхэлсэн нь үйл ажиллагааг дэмжсэн, ажиллах урам зориг нэмсэн сайн талтай. Тус цэцэрлэгийн эрхлэгчээр ажиллаж байсан хүмүүс ¹ Нэрс Ажилласан он 1 Төрбат 1959-1964 2 Балжид 1965 3 Н.Гачил 1966-1972 4 Л.Даваахүү 1973-1975 5 Жаргалтуяа 1976-1977 6 Н.Гачил 1978-1989 7 Сайнбилэг 1990-1991 8 Б.Мядагбадам 1992 9 Б.Санчирмаа 1993-2014 10 Б.Одончимэг 2015 оноос ажиллаж байна.