Сумын Иргэдийн Төлөөлөгчдийн
Хурлын Тэргүүлэгчдийн 2016 оны
01 дугаар сарын 15-ний өдрийн
01 дугаар тогтоолын хавсралт
Сумын мал нядалгааны цэгт тавигдах шаардлага,
түүнд хяналт тавих журам
Нэг. Ерөнхий зүйл
- Сумын хүн амын эрүүл аюулгүй орчинд амьдрах орчныг бүрдүүлж хүнсний, аюулгүй байдлыг хангах үүднээс малын халдварт өвчин дамжин тархах, өвчтэй мал бэлтгэхээс урьдчилан сэргийлэх, төвлөрсөн цэгт мал төхөөрөх/нядлах/ харилцааг зохицуулахад, энэхүү журмын зорилго оршино.
- “Малын удмын сан эрүүл мэндийг хамгаалах тухай”, “Хүнсний тухай“, “Хүнсний бүтээгдэхүний аюулгүй байдлыг хангах тухай” зэрэг хуулиудыг хэрэгжүүлэхэд ач холбогдолтой.
- Журмыг мал төхөөрөх/нядлах/ үйл ажиллагаанд оролцогч иргэн, хуулийн этгээд, сумын мал эмнэлэг,үржлийн тасаг, мал эмнэлгийн хяналтын улсын байцаагч, байгаль орчны улсын хяналтын байцаагч нар хэрэгжилтийг хангана.
- Журам нь батлагдсан өдрөөс эхлэн хүчин төгөлдөр мөрдөгдөнө.
- Журмыг иргэн, хуулийн этгээдэд сурталчлах ажлыг Мал эмнэлэг,үржлийн тасаг зохион байгуулах.
Хоёр. Мал төхөөрөхөд тавих мал эмнэлэг, ариун цэврийн шаардлага
2.1. Төхөөрөх/нядлах/ мал нь тухайн орон нутгийн мал эмнэлгийн байгууллагаас олгосон гарал үүслийн гэрчилгээтэй байна.
2.2. Төхөөрөх/нядлах/ малыг зөвхөн Мал эмнэлгийн хяналтын улсын байцаагчийн зөвшөөрлөөр мал нядаалгааны төвлөрсөн цэгт төхөөрч бэлтгэнэ.
2.3. Мал нядалгааны цэгт бод, бог малд эрүүл мэндийн үзлэг, шинжилгээ хийж өвчтэй болон өвчний сэжигтэй малыг нядалгаанд оруулахгүй тусгаарлах.
2.4. Мал нядалгааны цэгийн гулууз өлгөх тоног төхөөрөмж, талбайд эрх бүхий Мал эмнэлгийн байгууллага, аж ахуйн нэгжийн малын эмчээр тухайн үед нь ариутгал, халдваргүйтгэл хийлгэх.
Гурав. Иргэн, хуулийн этгээдийн хүлээх үүрэг
3.1. Мал эмнэлэг, үржлийн тасгийн Мал эмнэлгийн хяналтын улсын байцаагчаас мал нядалгааны цэгт мал төхөөрөх зөвшөөрөл авах.
3.2. Мал, амьтны халдварт өвчин гараагүй, тайван бүс нутгаас мал бэлтгэх;
3.3. Нядалгааны төвлөрсөн цэгт төхөөрөх малдаа тухай орон нутгийн эрх бүхий мал эмнэлгийн байгууллагаас мал эмнэлэг ариун цэвэр гарал үүслийн гэрчилгээ авах;
3.4. Эрх бүхий мал эмнэлгийн малын эмчээр малдаа эрүүл мэндийн үзлэг, шинжилгээ хийлгэж мал төхөөрөх тоног хэрэгслээ ариутгал, халдваргүйтгэлд хамруулах.
3.5. Мал нядалгааны төвлөрсөн цэгийн дэргэд болон зөвшөөрөлгүй ил задгай газар мал төхөөрөхгүй байх.
3.6. Мал төхөөрч/нядалж/ бэлтгэх аж ахуйн нэгж байгууллага, иргэд нь төхөөрсөн малаас гарах хог хаягдлыг тусгайлан бэлтгэсэн цэгт нь хаяна.
3.7.Нядалгааны цэг ашиглах төлбөрийг сумын Иргэдийн Төлөөлөгчдийн Хурлын Тэргүүлэгчдийн тогтоолоор баталсан үнэ тарифаар Засаг Даргын Тамгын Газрын 051655001 тоот дансанд хийнэ.
Дөрөв. Зарцуулалт
4.1.Ашиглалтын төлбөрийг цэгийн ариутгал, засвар хийх, талбайг цэвэрлэх зэрэгт зарцуулна.
4.2. Засаг Даргын Тамгын Газрын хог хаягдлын зардалд тодотгуулан зарцуулж, тайланг дараа оны 1 дүгээр улиралд ИТХТ-д танилцуулна.
Тав: Хяналт тавих эрх бүхий албан тушаалтны үүрэг
5.1. .Хууль хамгаалах болон мэргэжлийн хяналтын улсын байцаагчид, мал нядалгааны төвлөрсөн цэгт төхөөрөх малыг оруулах үйл ажиллагаатай холбогдсон дараах үүргийг хүлээж хяналт тавьж холбогдох хууль тогтоомж, дүрэм, журам стандартыг сахиулж ажиллана. Үүнд
5.1.1. Мал эмнэлгийн хяналтын улсын байцаагчийн үүрэг
5.1.2. Малын зах нь мал эмнэлэг ариун цэвэр эрүүл ахуйн шаардлага хангаж байгаа эсэхэд хяналт тавих.
5.1.3 Төхөөрөх мал нь орон нутгийн мал эмнэлгийн байгууллагаас олгосон мал эмнэлэг ариун цэвэр, гарал үүслийн гэрчилгээтэй эсэхэд хяналт тавих.
5.1.4. Мал нядалгааны цэгийн хог хаягдлыг тухай бүрд нь цэвэрлэгээ, ариутгал, халдваргүйтгэл хийж буй эсэхэд хяналт тавих.
5.1.5. Зөвшөөрөгдөөгүй цэгт мал төхөөрч буй эсэхэд хяналт тавих.
5.1.6. Төхөөрөх мал нь малын эрүүл мэндийн үзлэгт бүрэн хамрагдаж буй эсэх хяналт тавих.
5.1.7. Мал төхөөрч бэлтгэж буй иргэн, хуулийн этгээдийн өдөр тутмын үйл ажиллагаанд хяналт тавих.
5.2.1. Байгаль орчны хяналтын улсын байцаагчийн үүрэг
5.2.2. Тогтоосон цэгт хог хаягдал хаяж байгаад хяналт тавих.
4.2.2. Мал төхөөрч бэлтгэж буй иргэн, хуулийн этгээдийн өдөр тутмын үйл ажиллагаанд хяналт тавих;
Тав: Хориглох зүйл
5.1. Төвлөрсөн мал нядалгааны зөвшөөрөгдсөн цэгээс өөр газар мал төхөөрөхийг хориглоно.
5.2. Гарал үүслийн гэрчилгээгүй, эрх бүхий мал эмнэлгийн байгууллага, аж ахуй нэгжийн малын эмчийн үзлэгт ороогүй малыг төвлөрсөн мал нядалгааны цэгт төхөөрөхийг хориглоно.
5.3. Мал,амьтны гоц халдварт өвчин гарч байсан бүс нутгаас бэлтгэсэн малыг төвлөрсөн мал нядалгааны цэгт төхөөрөхийг хориглоно.
Зургаа. Журам зөрчигчдөд хүлээлгэх хариуцлага
6.1. Энэхүү журмыг зөрчигчдөд хууль хэрэгжүүлэгч болон мэргэжлийн хяналтын улсын байцаагчид Монгол Улсын “Төрийн хяналт шалгалтын тухай”, “Малын удмын сан эрүүл мэндийг хамгаалах тухай”, “Хүнсний тухай”, “Хүнсний бүтээгдэхүүний аюулгүй байдлыг хангах тухай”, “Байгаль орчны тухай”, “Захиргааны хариуцлагын тухай” хууль болон холбогдох бусад хуулийн дагуу хариуцлага тооцно.
-------------------------//---------------------
Мэдээ оруулсан: 2016-06-13 15:33:55